বোজ্ঝঙ্গ পরিত্তং সূত্র,পালি,

 

নিদানং

সংসারে সংসরন্তানং সব্বদুক্খবিনাসনে,

সত্তধম্মে চ বোজ্ঝঙ্গে মারসেনপ্পমদ্দিনো,

বুজ্ঝিত্বা যে পিমে সত্তা তিভব মুত্তকুত্তমা,

অজাতিং অজরা ব্যাধিং অমতং নিব্ভযং গতা

এবমাদি গুণোপেতং অনেকগুণসংগহং,

ওসধঞ্চ ইমং মন্তং বোজ্ঝঙ্গন্তং ভণাম হে।

সুত্তং

১।     বোজ্ঝঙ্গো সতিসংখাতো ধম্মানং বিচযো তথা,

বীরিযং, পীতি, পস্সদ্ধি বোজ্ঝঙ্গা চ তথাপরে।

২।    সমাধুপেক্খা বোজ্ঝঙ্গা সত্তেতে সব্বদস্সিনা,

মুনিনা সম্মদক্খাতা ভাবিতা বহুলীকতা।

৩।    সংবত্তন্তি অভিঞ্ঞায নিব্বাণায চ বোধিযা,

এতেন সচ্চ বজ্জেন সোত্থি তে হোতু সব্বদা।

৪।     একস্মিং সমযে নাথো, মোগ্গল্লানঞ্চ কস্সপং,

গিলানে দুক্খিতে দিস্বা বোজ্ঝঙ্গে সত্ত দেসযি।

৫।    তে চ তং অভিনন্দিত্বা রোগা মুঞ্চিংসূ তং খণে,

এতেন সচ্চ বজ্জেন সোত্থি তে হোতু সব্বদা।

৬।    একদা ধম্মরাজা’পি, গেলঞ্ঞেনাভিপীলিতো,

চুন্দত্থেরেন তঞ্ঞেব, ভণাপেত্বান সাদরং।

৭।    সম্মোদিত্বা চ আবাধা, তম্হা বুট্ঠাসি ঠানসো,

এতেন সচ্চ বজ্জেন সোত্থি তে হোতু সব্বদা।

৮।    পহীনা তে চ আবাধা তিণœন্নম্পি মহেসীনং,

ম¹াহত কিলেসা বা পত্তানুপত্তি ধম্মতং।

এতেন সচ্চ বজ্জেন সোত্থি তে হোতু সব্বদা।